《全職沒女》看了三集，走胡閙喜劇路線，最大賣點是久別螢幕的張兆輝和陳松仱，故事以陳松仱恨嫁，但又處處碰壁來作主線，誤打誤撞重逢曾經有個關係的張兆輝，最終唔駛估，一定係有情人終成眷屬啦，大台劇肯定唔敢sad ending！故事背後還是那套女人嫁唔去，就係賣剩蔗、老姑婆、攝灶罅、女人的社會功能只有結婚生仔，傳宗接代⋯等等的過時老套觀念，真係無新意到爆。
故事不再談了，但當得啖笑的劇集看，這劇還是可以的，因為演員做得夠放，陳松仱和姚瑩瑩簡直是豁了出去，盡情醜化自己，搏觀眾一笑，其中以姚瑩瑩的火爆家姐最突出，爛撻撻幾過癮，她們兩個玩得咁盡，反而有喜劇效果，算係救番套劇，好演員好多時能將爛劇本演好，而之前的《我瞞結婚了》，爛演員配爛劇本，失敗中的失敗！張兆輝限於角色設定，應該發揮不大，兩位新男星張振朗（飾張兆輝子）和謝東閔（飾攝影師）演技還要磨鍊，但肯定有潛質過演技屬於無得救level的洪永城！樊亦敏最最最x100需要的是修身，同陳煒差唔多年齡，睇吓人地fit佢好多！
追求言中有物的朋友，不如上網找幾年前的日劇《不結婚》天海佑希，菅野美穗主演，有晒硏究數據，同你討論女性單身問題這個社會現象，好有啟發性。
Search